Peticioni për internetin falas për studentët

Shqip
#1

Përshëndetje,

Unë jam Evelina, studente e Psikologjisë në Fakultetin e Shkencave Sociale, UT dhe aktiviste e Lëvizjes Për Universitetin. Komunitetin tuaj kam disa kohë që e njoh nga disa miq që ma kanë prezantuar dhe kam marrë pjesë në dy aktivitete te tuajat. Ju përgëzoj për punët e mira.

Pas disa hezitimesh për ta përdorur më parë forumin, po shfrytëzoj rastin të postoj rreth një teme që ju e keni prekur më parë në aktivitetet tuaja, por që së fundmi edhe ne po e shohim si shumë shqetësuese, sidomos prej pandemisë.

Prej kërkimeve tona, rezulton që mësimi online rezulton i dështuar për studentët, pasi shumica prej tyre nuk disponojnë as mjetet e duhura (laptopë, PC, telefona inteligjentë, etj.). Ndërkohë, paketat e internetit janë të papërballueshme për shumë studentë të cilët duhet te mendojnë dhe për kostot e tjera të jetesës, sidomos në këto kohë pandemie, kur po bëhet çdo ditë e më e vështirë të punësohesh.

Për arsyet e sipërpërmendura, ne kemi hartuar një peticion ku kërkojmë internet falas për gjithë studentët e universiteteve publike, si dhe pajisjen e tyre me gjithë mjetet e duhura teknologjike.

Pjesëmarrja juaj do të ishte shumë e çmuar për nismën tonë.

Ju falenderoj paraprakisht,

Evelina :slight_smile:

PS: PETICIONI GJENDET KËTU :http://chng.it/NLmQWzxm7W

2 Likes
#2

Pëershndetje @eveveve,

përgëzime për inciativën tuaj dhe për dedikimin që keni! Do doja të të ftoja të ndash shqetësimin dhe detaje rreth problematikës në edicionin e parë të Balkan Flosstival që të gjenerohet akoma më tepër debat në lidhje me këtë temë. Po të dërgoj detaje rreth aplikimit në DM (direct messsage) këtu në forum.

Pyetje: përse kishe hezitime për ta ndarë në forum iniciativën?

R.S

1 Like
#3

Harrrova. Info rreth festivalit mund të gjesh këtu https://eventyay.com/e/cf877702, pra bëhet fjalë për këtë fundjavë dhe aktiviteti do organizohet online. Ju presim :slight_smile:

R.S

1 Like
#4

Faleminderit për mirëpritjen @rskikuli. Sapo e bëra aplikimin.

Përgjigje pyetjes: Hezitimet e mia në lidhje me forumin lidhen vetëm me faktin që teknologjia dhe rrjetet sociale nuk janë pika ime më e fortë. Por, kuptova që është më e vlefshme të tejkalohen hezitimet dhe kauzat të ndërthuren duke kontribuar te njëra-tjetra. Dhe ja ku jam. :slightly_smiling_face:

2 Likes
#5

Hezitimet janë më se të mirëkuptueshme pasi i kemi pasur të gjithë, por në komunitetin këtu ndërthurja e aktiviteteve dhe debateve për vendimarrje kolektive online ndërthuret këndshëm me aktivitetet dhe ndërveprimet nga afër. Pandemia ka vështirësuar pak takimet fizike por së shpejti do kesh mundësi shpresoj që të njihesh dhe përtej ekranit me të gjtihe hacktivistët e OL, gjë që më beso është shumë më produktive e njerëzoj si ndërveprim :slight_smile:

R.S