OSCAL 2019: Thirrje për vullnetarë

oscal

(Sidorela Uku) #1

Përshëndetje,

Janë hapur aplikimet për vullnetarë në Open Source Conference Albania, 18-19 Maj 2019. OSCAL është një konferencë që organizohet nga komuniteti lokal dhe nëse doni që dhe ju të merni pjesë atëherë plotësoni formën në linkun më poshtë:

Apliko si vullnetar

Ka shumë gjëra me të cilat mund të na ndihmoni para, gjatë dhe pas konference si:

  • përgatitja e ambjentit të konferencës (vendosje e materialeve vizuale, ndarja e sallave të prezantimeve. etj)
  • të ndihmoni prezantuesit nga jashtë se si të vijnë nga aeroporti në qytet
  • të ndihmoni gjatë kohës së drekës
  • të mbani oraret e prezantimeve (duke njoftuar prezantuesit sa kohë u ka mbetur)
  • të mereni me procesin e rregjistrimeve para se të fillojë konferenca
  • dhe shumë gjëra të tjera, të cilat do jenë më në detaje dhe në takimet që do zhvillojmë për vullnetarët në vijim

Organizimi i një konference të bukur bëhet nga shumë detaje të vogla, dhe ne synojmë të kemi një konferencë ku të gjithë të kënaqemi dhe të mësojmë nga njëri-tjetri. Je pozitiv dhe ke qejf të na ndihmosh, kjo është ajo që duam :slight_smile:

Ama e kemi një rregull: Respekto kodin tonë të mirësjelljes https://wiki.openlabs.cc/faqja/Kodi_i_mirësjelljes

Mbani mend aplikimet mbyllen me 14 Prill.

Faleminderit,
Sidorela nga grupi organizativ OSCAL


(Sidorela Uku) #2

Përshëndetje sërish,

Si fillim ju falenderoj të gjithëve që aplikuat për ndihmuar si vullnetarë në këtë edicion të gjashtë të konferencës.
Tani që aplikimet janë mbyllur, erdhi koha për të pasur dhe një takim me grupin organizativ të hënën 22.04.2019 në orën 17:00 në Open Labs.
Ky takim do jetë një prezantim mbi konferencën, grupin organizativ, detyrat (apo e thënë ndryshe mënyrat) me të cilat mund të na ndihmoni për organizimin e konferencës dhe gjithashtu një takim ku mund të njihemi të gjithë me njëri-tjetrin. :slight_smile:

Shihemi të hënën,
Sidorela në emër të grupit organizativ OSCAL 2019